Ертеңгіліктер - «Madi kids» балабақшасы»

Балапаннан – Болашаққа

admin — Tue, 27 May 2025 08:32:20 +0600

Балапаннан – Болашаққа

Жүргізуші: Баршамызды бала тілмен баурайтын,
                      Бала деген бір бақыт қой самғайтын
                     Ата — ананың арманы мен тілегін,
                      Бала емес пе бал бұлақтан жалғайтын.

Қымбатты қонақтар, ата-аналар, балабақша қызметкерлері! Бүгін бізде үлкен мереке. Яғни, бұл мереке-қуанышы мен қызығы мол балалардың «Балабақшамен қоштасу» мерекесі. Олай болса, бүгінгі кешімізді бастаймыз.

(музыка,қошемет)

Ортаға балабақшамыздың құрылтайшысы Эльмира Нурланқызына құттықтау сөз кезегін береміз.

(Құттықтау сөз)

Жүргізуші: Бала-біздің болашағымыз. Ал әр бала ол-болашақ жарық жұлдыз. Бүгін біздің балабақшамыздан ұшқалы отырған бүлдіршіндер де болашақта еліміздің мақтанышына айналатын жарқын жұлдыздар болатынына сенеміз. Олай болса, болашақ жұлдыздарымызды қарсы алыңыздар.

(Балалар орындарына келіп тұрады)

Алтыннан ардақты

Күмістен салмақты бақшамыздың мақтанышы- Айдаров Амир.

Ақылына көркі сай

Біліміне өзі сай бақшамыздың алғыры- Құрманәлі Еркежан.

Ай десе аузы бар

Күн десе көзі бар бақшамыздың сұлуы- Кудиярбекова Айлара

Асқан білімді болатын

Жақсы мақтау алатын бақшамыздың білімпазы- Алихан Даниял

Әдемі ән айтатын

Көңілді боп үйге қайтатын бақшамыздың көңілді бүлдіршіні- Жетен Медина

Бойына жиған өнерді

Әнші, биші өнерлі өнерпазымыз- Рамазанұлы Алишер

Отбасының берекесі

Ата-анасының еркесі- Абдрахман Мухаммад-Али

Аспандағы жұлдыздай

Жағадағы құндыздай бақшамыздың ай-жұлдызы- Демир Сафия

Ізеттілік бар бойынан табылған

Тәртіпті ұл – Кенелбек Ильяс

Достарына жан ашыр

Кішкентай бір керемет – Жасулан Амира

Үлгі болар достарға

Сабырлы жігіт –Сауданбек Әміре

(Мектепке баратын балалар кіріп өз орындарына келіп тұрады)

Жүргізуші:Балалар бүгін бізде мереке!Біз кішкентай сәби болып келген бақшамызбен қоштасқалы тұрмыз.Сендер ер жетіп мінекей мектеп табалдырығын аттағалы отырсыңдар.Менің қолымда болашаққа жол ашатын білім кілті тұр.Біз бұл білім кілтін «Құлыншақ» тобына табыстайық.

(Тентек сахнаға секіріп шығады)

Тентек: Ооооо бұл қандай кілт. Бұны мен алдым.Енді бұл кілтті мен сендерге бірден бере алмаймын.

Балалар: Бұл кілт бізге қажет.Болашақтың есігін осы кілтпен ашқалы тұрмыз.

Тентек:Жақсы,сендерді шабыттандыру үшін кілттің бір бөлшегін беремін.Қалған бөлшектерді алу үшін өз өнерлеріңді көрсетіңдер.(сахнадан шығып кетеді.)

Жүргізуші:Балалар мұңаймаңдар.Біз балабақшадан үйренген өнерлерімізбен келген қонақтар мен тентекті таңқалдырайық.

Өсті міне бойларың

Өсті ақыл-ойларың

Қуанышқа ортақпыз

Құтты болсын тойларың.балаларымыздың балабақшасына арналған тілек жолды тақпақтарын қабыл алыңыздар.

(Балалар тұрған орындарынан тақпақтарын айта жөнеледі)

Жүргізуші: Біз мектепке барамыз.Оқып білім аламыз деп ұрандаған бүлдіршіндеріміздің әнін қабыл алыңыздар!

Ән «Біз мектепке барамыз»

(Тентек пен Жүргізуші сахнаға шығады)

Тентек:Балақайлар қандай өнерлі, өлең шумақтарынаншын бақшасына арналған махаббатырын сезуге болады,

Жүргізуші:Тентек бұл ғана емес,балаларымыз бірінші сынып табалдырығын аттауға дайын тұр.Олай болса сен балалардың биін қарсы ал.

Би «первоклассники»

Тентек:Міне,керемет!Сендер мені таңқалдырудасыңдар.Жарайсыңдар!Мен өз сөзімде тұрғандықтан сендерге білім кілттінің бір бөлігін табыстайын.

(кілттің бір бөлігін беріп,балалар орнына қояды)

Жүргізуші: Тентек балақайлардың өнері бұнымен бітпеді.Біздің балалар ағылшын тілінде ән шырқайды.

Ән ағылшынша

Жүргізуші: Қуаныштан шаттанып
Той тойлайық алақай.
Көңілденіп шаттанып

Би билейік балақай!Балаларымыздың көңілді биіне кезек берейік.

Би «Флешмоб»

Тентек: (ортаға таңқалып шығады)балалар тоқтаңдар,мына билеріңнен кейін менің көңіл күйім көтеріліп қалды.Сендердің бақшадан үйренгендерің көп екеніне көзім жетуде,кілттің тағы бір бөлшегін сыйлағым келіп тұр.

(балаларды кілтті орнына қояды)

Жүргізуші: Тентек біздің бақшада өнерлі балалар бұл ғана емес. Балабақша есігін енді ашқан,кішкентай балапандарымыздың аға-әпкелеріне сыйлығы ретінде «Балапан » тобының биін бірге тамашалайық.

(балапан тобы биін билеп сахнаға шығады.)

Жүргізуші:Бақшаға келген кезі кеше ғана секілді...Қолында ойыншығы,көзі мөлдір,көңілі алаң еді.Бүгінде сол бала – ой бөлісіп,әріп танып,достар тауып,үлкен өмірге аяқ басып тұр.Тәрбиеші апайының құшағында жылынып,алғашқы әнін айтып,алғашқы суретін салып,балабақша бақшасынан мейірім мен махаббат көріп өсті.Бүгінде сол бүлдіршіндер бақшасына арнап ән арнағалы тұр.

Ән «бақшамызға мың алғыс»

Тентек: Достар балабақшаларыңды жақсы көріп,білімге құштар екендеріңді дәлелдедіңдер.Мінекей сендерге «білім кілті».Сендер бар жақсыға лайықсыңдар. Бүгін сіздер балабакшамен коштасып, үлкен өмірге – мектепке аттанып барасыздар.

Алдарыннан ак жол, білімге деген кұштарлык, мейірімді ұстаздар мен адал достар кездессін!Болашактарын жаркын,армандарын аскак болсын! Мектеп өміріне сеніммен кадам басындар!

Жүргізуші:Қарашы, бүгінгі күн қандай,

Қалайша қаласың нұрланбай?

Вальс билесе түлектер

Жер шары айналып тұрғандай!

Би «Вальс»

Жүргізуші: Құрметті қонақтар бітіруші бүлдіршіндеріміздің өздерінің жолын басатын, өздерінен кейінгі бүлдіршіндерге білім кілтін тапсыру салтанатын жасауға рұқсат етіңіздер.

Бітіруші «Аққу» тобының өнерге құштар, білімге деген талпынысы зор алғыр да, ақылды бүлдіршіндеріміздің атынан Амира мен Әміре өз тобының білім кілттін, алғыр да зерек Ортаңғы «Құлыншақ» тобының бүлдіршіндері Абухайыр,Али,Алдияр және Іңкәрға аманат етіп тапсырады.

Білім кілтін тапсыруға рұқсат етіңіздер

(«Жұлдыз» Тобының балалары құттықтайды. Жұлдыз тобы тілектерін айтып Аққу тобының балалары кілтті Әміре мен Амира тапсырады Абухайыр мен Іңкәр қабылдап алады.)

Әміре: Ана тілің арың бұл

Ұятың боп тұр бетте

Өзге тілдің бәрін біл

Өз тіліңді құрметте

Амира: Тіл арқылы табысқан

Тілдің сырын менгерген

Тіл білуді жөн көрген

Ел азаматы болыңдар

Білім кілтін сақтаңдар

Амира : Біз енді балабақшаның кілтін сіздерге тапсырамыз

Іңкәр: Жақсы оқып сабақты

Тәртіпті болып жүріңдер

Жақсы оқып сабақты

Кілең бестік алыңдар

Абухайыр: Біз сендерге ұқсап бақшаның намысын қорғауға уәде береміз.

Жүргізуші: Құрметті қонақтар, ата-аналар, бүлдіршіндер Ересек топтар өздерінің білім кілтін аманат етіп тапсырды. Ортаңғы топ бүлдіршіндері осы балалардың аманаттарын биіктерден көрсете береді деп сенеміз.

Жүргізуші: балабақшамыздың атынан Түлектерге тәтті сыйды ортаға шақырамыз (Торт келеді)

Жүргізуші: «Әр сөзінің түйінін

Жақсылыққа тірейтін,

Қадап айтып ақылын,

Көпке бақыт тілейтін» деп «Мади кидс» бақшасының құрылтайшысы Эльмира ханым мен бақша директоры Нұргүл ханымға сөз кезегін берейік. (Мадақтама,Ата-анаға алғыс хат,сыйлықтарын тапсыру рәсімі)

Тәрбиеші:Сөзіме құлақ салыңыз,

Бір серпіліп қалыңыз

Қоштасуға арналған,

Жетен Медина қызымыздың Әнін қабыл алыңыз.

Ән: «Қимай тұрмын»

Тәрбиеші:Балалардың білімі құтты болсын,

Денсаулығы ауырмайтын мықты болсын.

Білімдерін ары қарай дамытатын

Ерінбейтін еңбекқор күшті болсын!

Тәрбиеші: Құрметті ата-аналар, қонақтар осымен балабақшамен қоштасу ертеңгілігіміз өз мәресіне жетті. Келіп тамашалағандарыңыз үшін көп рахмет! Сау болыңыздар.

Family Force: Әке мен бала 7 мамыр – Отан қорғаушылар күніне арналған спорттық сайыс

admin — Tue, 06 May 2025 08:20:44 +0600

Family Force: Әке мен бала
7 мамыр – Отан қорғаушылар күніне арналған спорттық сайыс

1-бөлім: КІРІСПЕ

Құрметті ата-аналар, балалар, қадірменді қонақтар!
Сіздерді 7 мамыр – Отан қорғаушылар күнімен шын жүректен құттықтаймыз! Бұл – Отанын сүйетін, елін қорғауға дайын ер-азаматтар мерекесі. Осы күнде әр отбасының тірегі – әкелердің орны ерекше.

Бүгінгі «Family Force: Әке мен бала» атты сайысымызда әкелер мен балалары өзара ұйымшылдықты, күш-қайратты, тапқырлықты және отбасылық бірлікті көрсетеді. Сайысымыз көңілді өтсін! Баршаңызға сәттілік тілейміз!

2-бөлім: ҚҰТТЫҚТАУ СӨЗДЕР

Сөз кезегін (мекеме атауы/ұйымдастырушы аты) басшысы, құрметті (аты-жөніне) береміз.

3-бөлім: САЙЫСҚА ҚАТЫСУШЫЛАРМЕН ТАНЫСТЫРУ

Жарысқа қатысатын жұптармен таныс болайық! Әке мен бала жұптары аталып, музыкамен сахнаға шығарылады. Қысқаша таныстырылады.

4-бөлім: САЙЫС КЕЗЕҢДЕРІ

1-кезең: "Пазл құрастыру"

Әке мен бала бірігіп, бір суретті толық қалпына келтіруі керек. Тез әрі дұрыс орындаған жұп жеңіске жетеді.
Уақыт: 2-3 минут
Бағалау: Жылдамдық + дәлдік

2-кезең: "Доппен бірге – мәреге!"

Әкелер – теннис таяқшасындағы допты түсірмей, кедергілер арасынан өтіп мәреге жетуі керек. Ал балалар – допты қолында ұстап, мәреге бірінші жетуге тырысады.

3-кезең: "Арқамда – болашағым"

Әкелер баласын арқалап, белгіленген уақыт ішінде қанша рет отырып-тұра алады – соны есептейміз.
Уақыт: 30 секунд немесе 1 минут
Бағалау: Көп рет орындаған жұп жеңімпаз

4-кезең: "Әке тірек – бала мерген"

Әкенің беліне шеңбер байланады. Бала қолындағы доптарды дәлдеп шеңбердің ішіне түсіруі керек.
Әр балаға 5 доп. Бағалау: Дәл түсірген доп саны

5-кезең: "Көз байланған әке"

Көзі байланған әке өз баласын табуы керек. Бала тек дауыс беру арқылы бағыттайды.
Бағалау: Уақыт пен дәлдік

5-бөлім: ҚОРЫТЫНДЫ, МАРАПАТТАУ

Сайысымыздың қызықты да жауапты сәттері артта қалды. Әке мен бала арасындағы сенім мен ынтымақтың, шынайы сүйіспеншіліктің куәсі болдық. Барлық қатысушыларымыз жеңіске лайық!

(Қазылар алқасы шешім шығарып, жеңімпаздар марапатталады: мадақтама, сыйлық, грамоталар)

Баршаңызға белсенділік танытып, мерекелік көңіл-күй сыйлағандарыңыз үшін алғыс білдіреміз! Әкелеріміз – отбасымыздың тірегі, еліміздің ертеңгі қорғаны. Мерекелеріңізбен тағы да құттықтаймыз!
Келесі кездескенше, сау болыңыздар!

«НАУРЫЗ- ДУМАН ТАМАША!»

admin — Fri, 18 Apr 2025 08:25:54 +0600

«НАУРЫЗ- ДУМАН ТАМАША!»

АТТЫ МЕРЕКЕЛІК САЛТАНАТТЫ КОНЦЕРТТІК БАҒДАРЛАМАСЫ

ЖОСПАРЫ: Негізгі бөлім басталуы 10:00

01:30 мин САҒАТ

1-жүргізуші: Ерқанат мырза

2-жүргізуші: Айжан Бекболатқызы

(Жиналған көрермен орындарына жайғасып болғанша оркестр халық күйлерін орындап отырады. Сахнаға балабақша қызметкерлері мен балалар жиналғанда әуен ойналып, би болады (30-40 мин). 09:20-10:00 арасы

Би «Наурыз тойы» барлық қызметкерлермен балалар (Ерназар мырза) 4 мин

Фанфар

1-жүргізуші: Армысыздар, құрметті қонақтар! Бүгінгі біздің «Наурыз» мерекесіне арналған «НАУРЫЗ- ДУМАН ТАМАША!» атты мерекемізге қош келдіңіздер!

2-Жүргізуші: Наурыз – мейрам атаулының ұлығы, жылдың басы, тіршіліктің бастауы, күн мен түннің теңелген, тіршілік атаулының жанданып-жасанған, жер дүниенің түлеп-түрленген, мал-жанның өсіп-өнген мезгілі. Наурыз — бұл тек көктемнің ғана емес, ең әуелі ізгілік пен жақсылықтың мейрамы.

1-Жүргізуші: Дана халқымыз осынау күнді - «Ұлыстың ұлы күні» деп, ардақтап, оны қай кезде де еңсесі биік ерліктің, іргесі сөгілмес бірліктің, ырыс пен ынтымақтың мерекесіне балаған.

«Наурыз тойы» қойылымы. Сахнадан сүйінші сұраған балалар көрермендерге жол тартып, «Сүйінші-сүйінші, алақай! “Madi kids » бақшамызда бүгін той болады, Наурыз тойы, қарындасымның тұсауы кесіледі, жырдан ән шашу шашылады» сүйінші-сүйінші деп сүйінші жинайды. (Диар, Алан, Дания,Ертөре)

2-жүргізуші: Қызыр баба назары

Жер бетінің ажары

Ақ тілеулі ақ бата

Асыл сөздің ғажабы.

Таратып нұр тамшысын

Мұз еріп, тас балқысын

Қарсы алайық жараңдар

Жақсылықтың жаршысын.

Сахнаға Қыдыр баба мен Ұмай ана шығады

Қызыр бабаның батасы

Уа ұланым, ұрпағым!

Ұлыс бақты болсын

Төрт түлік ақты болсын

Ұлдарымыз мұратты болсын

Қыздарымыз ұятты болсын

Өзеніміз суатты болсын

Аймағымыз малды болсын

Тоғайымыз талды болсын

Азаматта әл болсын

Атымызда жал болсын

Мерекелі жыл болсын

Берекелі ел болсын

Іштен шыққан даудан сақтасын

Сырттан келген жаудан сақтасын

Жүзіктің көзіндей

Ананың асыл сөзіндей

Даналықтың өзіндей

Балалардың дара отауын

Алла қолдап жебесін

Ескі жыл есіркеп

Жаңа жыл жарылқасын

Бүлдіршіндер болашақтың жастары.
Елімізді көркейтетін әр кезде,
Балалардың ашық болсын аспаны.

Бірлік пен достықты жоғары санаған.

Бейбітшілікті бақыт деп балаған.

Шуақты мекен, кең жайған құшағын

Жасай бер мәңгілік бақшамыз ! /Аумин/ 3 мин

ҰМАЙ АНА ТОЛҒАУЫ

О, киелі мекен, құт-берекем! Тегіңді тебірентіп, тереңнен жеткен ақ тілекті қабыл ал!

Ұлы даланың ұранды ұланы, Ұлыстың ұлық мейрамы ұлы істердің басы болсын!

Тұғырлы елдің туы аспандап, басымызға баянды бақыт қонсын!

Жол бастайтын көсемнің, сөз бастайын шешеннің, салтын сақтайтын халқымның, рухы мықты ұрпағымның өркені өссін!

Ар қорғаған Арулардың, ел қорғаған Батырлардың жасампаздық дәстүрі жалғаса берсін!

Жаратқан Иеміз, көктен жауғызып, жерден өндірсін. Өресі биік жұртымның өскіндері жемісті, өрендері жеңісті, ойлары өрісті, келбеттері келісті кемелденген көкжиегі кеңейе түссін!

Асыл Аналардың абыройы асып, ақ тілеуі қабыл болсын! Аумин! 3 мин

1 - жүргізуші: Жақсылықтың жаршылары Қыдыр атамызбен Ұмай анамыздың баталары қабыл болсын.

Басты кейіпкерлер бейнелерін сомдаған Қыдыр баба – Бердібай Айзере қызымыздың атасы - Жумабеков Бердібай Тұрапбайұлы, Ұмай анамыздың рөлін сомдаған Абухайыр мен Айара балаларымыздың әжесі Есова Рая Кайырбаевна ханымға үлкен алғысымызды білдіреміз!

2 - жүргізуші:

Наурыз тойы жұп жазбай

Досқа құшақ ашайық.

Қазақтың бір салты деп

Тойға шашу шашайық.

Той шашуын Нұрлан Айзеренің әжесі Шариякуль ханым және аяулы аналарымыз Серғалы Әлинұрдың анасы Аяулым ханым, Серік Алдиярдың анасы Асия ханым, Искакова Айлананың анасы Сауле ханым шашуын шашып келді. Қарсы алайық!

Осы сәтте әдемі музыка қосылып 1 әже мен 3 ана шашу шашады.

ШАШУ ШАШЫЛАДЫ.

1 - жүргізуші:

Уа, жамағат жинап ал несібеңді, Ризығың асып көл - көсір бола берсін!

2 - жүргізуші:

- Тек жүректен арналған сөзіңіз,

Жақсылықтан жаралған жүрегіңіз.

Сөз берейік құрметпен өзіңізге

Қонақтарға арналсын тілегіңіз,- – дей отырып «Madi kids» балабақшасының Құрылтайшылары Эльмира Нұрланқызы зор қошеметпен сахна төріне шақырамыз

Құттықтау лебізіндерін білдіреді

1- жүргізуші:

Келе жатыр жылымыз,

Мейрамдаймыз мұны біз.

Халқы сүйген мейрамды

Қарсы алайық Наурызды!

Қадірлі ағайын, біздің бүгінгі мерекеміз кішкентай бүлдіршіндерімізбен ерекше өткелі тұр. Балапан топ «Бипыл -ай» биімен қарсы алыңыздар! 1:40 мин

Қошеметтеріңіз болсын.

Біздің «Tap-tatti» тобымыздың орындауында «Дастархан» әнің қабыл алыңыздар. 2:05 мин

2- жүргізуші:

Алға қадам, оңға, солға,

Жүгірсін қан, тоңба, тоңба.

Басқа билер қалар жолда,

Билесең егер Қара жорға.

«Аққу» тобының ұлдарының орындауында «Қара жорға»-2 мин

1- жүргізуші:

«Ақ орамал, киелі бақ орамал»- демекші біздің «Жұлдыз» тобының керемет бишілерінің орындауында «Орамал» биі 2.5 мин

2- жүргізуші:

Көркі ғажап көркем,

Нұрын төккен күткен күн.

Күй толтырды көңілге,

Құстар сайрап жеткен күн.

«Жұлдыз» тобындағы баларымыздың құстармен шырқалып орындауындағы әні. 1:15 мин

1- жүргізуші:

Аққу» тобына үлкен қошеметтеріңіз болсын!

2- жүргізуші:

Көңілді бүгін сұлу қыздар

Би билейді мың бұрала

«Аққу» тобының сұлу, биші қыздарын «Көңілді қыздар» биімен қарсы алыңыздар - 3мин

1- жүргізуші:

Қыздарымызды қошеметтеп ортаға «Балапан» тобын «Наурыз көктем» әнін айтуға шақырамыз! (ұлдар мен қыздар жарты шеңбер болып тұрып ән айтады) 3:05 мин

1- жүргізуші:

Қамажай биі – Қазақы бидің мың жылдық болмысы демекші «Жұлдыз» тобының сұлу, ибалы қыздарының орындауында «Қамажай биін» қарсы алыңыздар 3 мин

2- жүргізуші:

Бәйгеде шап,

Ұраның сап.

Шабаңдоз бол,

Бабаңа ұқсап!

«Аққу-Жұлдыз» топтарының мықты жігіттерін ортаға «Шабандоз» биімен шақырамыз -3 мин

1- жүргізуші:

Жетігеннің жеті ішегін мұң алған,

Аты оның жеті әннен құралған - дей келе ортамызда «Жұлдыз» тобының тәрбиешісі Бейсетай Гүлнұр Бейбітқызы және қыздарының орындауында «Илигай» әні. 3 мин

2- жүргізуші:

Әз-Наурыз құтты болсын! Ортамызға «Аққу» тобының өнерлі балаларын «Наурыз» әнімен шақырамыз! 3мин

.................................................

1-Жүргізуші:

Қазағымның салт - дәстүрі жаңғырған,
Тәлімді ой сынағы, тәрбие көзі қалдырған.
Салт - дәстүрді ардақтайық, ағайын.
Қазақ атты үлкен, кіші, балдырған.

2-Жүргізуші:

Біз қазақ халқы әулет дәстүрін қастерлеп, дәстүрлік мұраларды насихаттап жүрген халықпыз.

Дәстүрдің озығы бар, тозығы бар,

Өткеннен бізге жеткен асылы бар.

Сәбидің тәй-тәй кезін қызықтайтын,

Қазақта «Тұсау кесер» рәсімі бар.

1-Жүргізуші:

Тұсау кесу дегеніміз 1 жасқа толып, еркін жүре бастаған балбөбектің басқан қадамы құтты болып, одан әрі жаны жамандық көрмей, жүріп кетуіне тілек білдіретін салт.

Күлгенің де той сенің,

Жүргенің де той сенің.

Қызықтасын халайық,

Тұсау кескен бұл күнің

Есте қалсын, жарқыным.

2-Жүргізуші:

Әлбетте, баланың тұсауы ала жіппен, қойдың майлы шегімен немесе өрілген көк шөппен кесіледі: Ала жіп ақтық пен адалдыққа жол ашады, майлы шек байлыққа, тоқтыққа жетелейді, көк шөп көбеюге, өсуге, өнуге шақырады.

Бүгінгі тойымызда «Балапан» тобының ата-аналары атынан Қуаныш мырза мен Айгерім ханым қыздары Ару-сұлтанның «Тұсау кесер» тойын Ұлыстың ұлы күні наурыз мерекесімен тұтастырып, қалың жұрттан бата алу мақсатында осы жерде «Тұсау кесер» тойын өткізбекші, қабыл алыңыздар. 20мин

Бөбегіміздің тұсау кесер рәсімін Madi kids балабақшалар желісінің құрылтайшысы, көп балалы ана, бизнес вумен Сансызбаева Эльмира Нұрланқызы жүргізеді.

1-Жүргізуші: Тамаша,баламыздың қадамы оң болсын деп кішкентай балапанаымызға тілек батасын беретін Ғалия Қайдауылқызы! (батасын береді)

Батаңызға берер рақметіміз бен сыйлығымызды қабыл алыңыз.

2-Жүргізуші:

Наурыз мейрам жүректерге нұр сепкен,

Маңдайымнан сүйіп жатыр күн көктем.

Жарығыңмен, шуағыңмен Күн – Ана,

Алып келдің жер бетіне гүл көктем!

деп халықаралық және республикалық байқаулардың лауреаты, Madi kids үйірмесінің жетекшісі, Серікқызы Жанельдің орындауындағы қазақтың «Белес» биін тарту ретінде қабыл алыңыздар!

1-Жүргізуші: Ұлыстың ұлы күні бір-бірімізге ізгі тілек айтайық, Наурызда айтылған барлық жақсы тілек орындалады деп жатады. Наурыз барлығымызға құт әкелсін. Сөз кезегін Madi kids балабақшасы ата-аналары атынан Темірлан Сара қызымыздың атасы Абзал Төлеутайұлы Шөгелбаев мырзаға береміз.

Ата- аналар құттықтау лебізі

2- Жүргізуші: Балабақшамыздың меңгерушісі Нургул Сергазиевна бірге

балабақша ұжымының орындауында Халық әні: «Күміс құмғанды» қабыл алыңыздар.

1-Жүргізуші:Ой қосылсын ойыңа,

Бой қосылсын бойыңа.

Аман – есен жетейік

Келесі Наурыз тойына!

Наурыз мерекесі әрқайсымызға көтеріңкі көңіл күй, қажымас қайрат, өшпес үмітпен шексіз махаббат әкелсін. Өмірлеріңіз қуаныш пен шаттыққа толы болсын!

2-Жүргізуші: Ендеше, (ата-аналар, балабақша қызметкерлері, балалар) барлығымыз қосылып «Қара жорға» биін билейік (Хореограф көрсетіп тұрады)

1-Жүргізуші: Құрметті қонақтар, осымен негізгі мерекелік бағдарламамыз аяқталды. Ақ дастарханымыз жайылғанша ортаға барлық топ әкелерін шақырып, баршамыз қазақтың ұлттық ойындарын тамашалайық. Жеңімпаздарға бағалы сыйлықтарымыз бар. Ойын бастамас бұрын әділ-қазылармен таныстыра кетейік. (Балабақша қызметкерлері арасынан қазылар тағайындалады).

(асық ату, гір көтеру, қол күрес, күш сынасу, теңге жинау, арқан тартыс)

2-Жүргізуші: «Асық ату» - қазақ халқының байырғы дәстүрлі ойыны. Бұл ойын ғасырлар бойы ұлттың мәдениеті мен тұрмыс-тіршілігінің ажырамас бөлігі болып келді. Асық ойыны арқылы балалардың дене шынықтыруы, икемділігі, ептілігі ғана емес, сонымен қатар әлеуметтік байланыстары мен мәдени мұраға деген құрметі қалыптасады.

1-Жүргізуші: «Гір көтеру» - халық арасындағы кең тараған спорт түрі Шойыннан құйылған гірді бір қолмен көтеру арқылы орындалалды. Атақты Балуан Шолақ, Қажымұқан гір көтеру өнерін көрсеткен.

2-Жүргізуші: «Қол қүрес» – арнайы үстелде өткізілетін, өзіндік ережесі бар қол жекпе – жегі.

1-Жүргізуші: «Күш сынаспақ» – бұл ойын стол үстінде екі балаланың білек сынасуымен орындалады.

2-Жүргізуші: «Теңге жинау» - ұлттық ойын. Бозбалалар мен жігіттердің атпен ойнайтын ойыны.

1-Жүргізуші: «Арқан тартыс» - Ойынға қатысушылар тең екі топқа бөлініп, ұзындығы 10 метрдей болатын жуан кендір арқан қолданылады.

Аналармен оюды жалғастыр, ұлттық құндылыққа байланысты сұрақ жауап.

Жүргізушілер: Келер жылғы молшылықтың жоралғысы ретінде Наурыз тойында әрбір шаңырақта міндетті түрде Наурыз көже әзірленген. Халықтық дәстүр бойынша оған жеті түрлі дәм қосылады. Ақ мол болсын деп, молшылық, береке болсын деп, сіздерді ақ дастарханымызға, наурыз көжеге шақырамыз

қонақтарды наурыз көжеге шақыру, дастарқаннан дәм таттыру).

Аяулы Анашым

admin — Wed, 05 Mar 2025 07:59:09 +0600

«Қош келдің, жаңа жыл»

admin — Tue, 24 Dec 2024 08:46:48 +0600

Мақсаты: Балаларға жаңа жыл туралы түсінік беру. Аяз Ата сыйлық беретінін айтып, балаларды қуанышқа бөлеу. Шыршаның әсемдігіне назар аударып, ойыншықтардың әдемілігіне қызықтыру. Ертеңгілік барысында балаларды персонаждарға бөліп, өздері кейіпкерлендіруді ұсыну. Әндер, билер арқылы балаларды өнерге талпындыру. Өлеңдерді мәнермен айтып, ертеңгілікте достық сезімдерін ояту, ән, тақпақ арқылы сөздік қорын дамыту.

Ертеңгілік барысы: Зал іші әдемі безендірілген. Ортада әдемі шырша. Әсем әуенмен әдемі киінген балалар.

Жүргізуші: Құрметті ата-аналар, қонақтар,тәрбиеленуші бүлдіршіндер! Жаңа жыл құтты болсын! Жаңа жыл құт береке әкелсін! Балаларыңызбен бірге бақытты болыңдар!

Біздің: «Қош келдің, жаңа жыл» ертеңгілімізге қош келдіңіздер!

Жүргізуші: Жаңа жылдың таңы неткен арайлы

Ақ мамыққа бөлеп алды маңайды

Бақыт, шаттық, тыныштық

Жылан жылы алып келсін бәрімізге

Жүргізуші: Балалар орындауында ән «Кел, кел, Жаңа жыл» балалар шыршаны айналып жүріп айтады.

Жүргізуші: Ендеше бүлдіршіндеріміздің жаңа жылға арнаған тақпақтарын тыңдайық.

Алдиар

Жаңа жылда бақшамыз,

Гүлдей болып жайнасын.

Аман болсын барлық бала,

Шат - шадыман ойнасын.

Алим

Жаңа жылға сәніміз

Біздің айтар әніміз

Келдің бе аман алыстан

Сәлем, Аяз атамыз.

Тамерлан

Аяз ата тыңдаңыз

Тақпақ айтып берейік

Ортамызда шыршамыз,

Ойнап бірге, күлейік

Сан

Аппақ тонға оранып

Базарлықты мол алып

Келді алыс сапардан

Аяз ата оранып

Қасымхан

Оралды өлкеме

Жаңа жыл, армысың!

Оранды ақ көрпе

Асқар тау, қарлы шың

Шыңғыс

Тамаша.тамаша!

Шыршамыз тұр жараса.

Басында әсем жұлдызы

Көз тоймайды қараса.

Жүргізуші:

Жаңа жыл - қайсарлық пен жүректілік,
Баратын болашаққа білек түріп.
Әдемі тілектерге қол соғамыз,
Әлемге жақсылықтар тілеп тұрып

Олай болса осы кезекте биші балақайларымызды қарсы алайық

БИ: Гусар

Жүргізуші:

Келтірейін сәніңді.

Бұзба енді мәніңді.

Әнші балам, тоқтама,

Шырқап жібер әніңді -дей отыра балақайлармыздың дайындап келген Ақшақар әніне кезек берейік.

Жүргізуші: Олай болса біздің өнерпаз ұлдарымыздың биіне кезек берейік

БИ:Мексиканский би

Жүргізуші:

Жаңа күнде ән қылып,

Тек жүреміз сән құрып.

Көңілдердей қартаймай,

Шырша тұрар мәңгілік.

Ендігі кезекті жаңа жыл туралы тақпақтарға кезек берейік

Айара

Жаңа жыл, Жаңа жыл

Төгілсін жаңа нұр

Сыйлығын сүйретіп,

Келді міне, Жаңа жыл

Мади

Ән саламыз, билейміз,

Жырдан шашу төгілді

Бүгін біздің Жаңа жыл,

Қандай қызық көңілді

Сафина

Аяз ата жол салып,

Ақ боранмен алысқан.

Балаларға базарлық ,

Алып келді алыстан

Сұңқар

Тілеймін мен бар әлемге

Дос көп болсын жаңа-жыл

Ата-әже, әке - шеше

Құтты болсын Жаңа жыл

Али

Жасыл желкен жамылған,

Асыл моншақ тағылған.

Міне сұлу шыршамыз

Көптен күтіп сағынған.

Аиша

Ақ қар жапты даланы

Ақ жамылды айнала

Жарқыратып шамдарын,

Шырша келді ортаға

Іңкәр

Жаңа жылым мол болсын

Баскан қадам он болсын

Төрле Төрле Жаңа жыл

Бізге Құтты жыл болсын

Абухайыр

Жаңа жыл Жаңа жыл

Жаңа жылға жаңа жыр

Жасыл шырша жанында

Билеп барлық бала жүр

Жүргізуші: Өзінің құттықтау әнімен ортаға әнші балақайларыңыз еліп тұр екен, қарсы алыңыздар!

Ән:

Жүргізуші: Құрметті ата аналар жаңа жыл мерекесіне

«Тәуелсіздік тұғырым»

admin — Tue, 10 Dec 2024 08:50:53 +0600

Тақырыбы: «Тәуелсіздік тұғырым»

Мақсаты:Желтоқсан көтерілісінің сипатын насихаттай отырып,желтоқсан құрбандарын мәңгі есте сақтау: жас ұрпақ бойына еліне,жеріне,ұлтына деген патриоттық сезімін қалыптастыру.

Қазақ елім,туды жастық дәуірің,

Алғандайсың жұлдыздардың жарығын.

Тәуелсіздік құтты болсын ағайын!

Тәуелсіздік құтты болсын,алыбым!

-Құрматті ата –аналар, қонақтар және балабақша бүлдіршіндері Тәуелсіздік мерекесіне орай өткізіліп отырған «Тәуелсіз елім Қазақстан»атты мерекелік ертеңгілігімізге қош келдіңіздер!

Әнұраны елімнің

Шақырады бірлікке.

Егеменді халқымның,

Болашағы бірлікте.

Қазақстан Республикасының мемлекеттік Әнұраны орындаймыз.

Жүргізуші:Міне,Тәуелсіздік мерекесі де келіп жетті.Қазақстан Республикасының тәуелсіздігіне биыл 33 жыл толады.Баршыңызды сол тарихы тереңде жатқан айтулы мерекесімен құттықтаймыз.Біз ата- бабамыз-дың аңсаған арманы орындалып, қазақ елінің Тәуелсіз Мемлекет атанып,көк туы желбіреген жұлдызды сәтін өз көзімізбен көруге жазылған ұрпақпыз. Қазақстан өз тәуелсіздігін алды.Бұл тәуелсіздік оңай келген жоқ. 1986 жылғы оқиға халықтың есінде мәңгі сақталады,16-желтоқсанда қазақ жастары Орталық алаңға шығып,Қазақстан тәуелсіздігін талап етті. Бұл күн-Қазақстан тарихында тәуелсіз Қазақстан Республикасының туған күні деп алтын әріппен жазылды,

Осы жолда аға-апаларымыз көп күресті.Желтоқсан оқиғасына қатысқан аға-апаларыңды тани біліңдер, олар:Ләззат Асанова, Ербол Сыпатаев,Қайрат Рысқұлбеков т.б

Тәуелсіздік оңайлықпен келмеді,

Бізге оны ешкім аяп бермеді.

Тәуелсіздік- Қайрат,Ләззат,Ерболдың

Тас көшеде, тас талқан боп өлгені.

-Осы тәуелсіздікке жетуімізге өз үлесін қосқан батырларымызды мәңгі

жүрегімізде сақтаймыз.

Жүргізуші: Тәуелсіздік дегенде көңілден жыр-шумақтар ағытылар.Ендеше балалардың тақпақтарын тыңдайық.

Еркежан:

Көк аспанда көкпеңбек

Қазақстан жалауы.

Көк емес ол тектен тек,

Елдің ашық қабағы.

Мухаммад Али:

Тәуелсіздік елдеміз,

Қуанамыз күнде біз,

Ата-бабам қалдырған,

Қазақтың батырымыз сенсеңіз.

Медина:

Отан деген атамекен ,

Отан деген туған жер.

Отан-Ана,Отан үлкен,

Қазақстан туған ел.

Әмре:

Елім менің егемен,

Бақытты өмір сүрем мен.

Тәуелсіздік күнімен,

Қуанышқа бөленем.

Абу:
                       Тәуелсіздік таңы атты,
   Барлық әлем жаңарып!
   Осы тұрған халқыма,
   Бейбітшілік орнады.

           Асылым:
        Он алтыншы желтоқсан,
   Тәуелсіздік алған күн.
   Ерекше боп мәңгілік,
   Ел жадында қалған күн.

Жүргізуші: Тәуелсіздік-тартуы ол тәңірдің,Тәуелсіздік-маңдайдағы бағым бұл,Тәуелсіздік-сыбағасы халқымның,Тәуелсіздік-таймайтұғын тағым бұл!

Дони: Тәуелсіздік еліміз

Мәңгі жасар жеріміз

Тәуелсіздік жасаған

Аға,әпкелеріміз

Мимика: Бабамның да арманы

Осы едіғой аңсаған

Тәуелсіздік таңдары

Бақ береді баршаға

Сафия: Көк туымды қолыма

Бүгін берік ұстадым

Түсті бақыт жолыма

Менің Қазақстаным!

Қуаныш: Достар бірге жиналды

Мерекені тойлады

Тәуелсіздік күніне

Ән мен биді сыйлады

Іңкәр: Ана тілде сөйлейміз

Өлең атып,билейміз

Тәуелсіздік күніне

Шақтықпенен күлеміз!

Алдияр: Елім менің егемен

Бақытты өмір сүрем мен

Тәуелсіздік күніне

Шаттықпенен күлеміз!

Аииша:Бейбітшілік бесігі

Қазақстан есімі

Тәуелсіздік күніне

Арнаймыз біз әнімізді

Димаш:Аралаймын алаңды

Тәуелсіздік күнімен

Батыр Қайрат ағамның

Суретіне үңілем

Ән: «Татулықта күшіміз» топ балаларының орындауында

Әже: Осы кезде қолында ұршығы бар әже ортаға щығады. Төрдегі көрпеше үстіне келіп отырып, ұршығын иреді.

Бала: қолында қамшысы бар бала ойнап жүгіріпкеліп, әжесінің жанына отырады.

Бала:Әже не істеп отырсыз?

Әже:Құлыным ұршық иіріп отырмын. Кел қасыма отыр ,күнімен ойнап шаршаған шығарсың.

Бала:Әже,Біз балабақшада «Тәуелсіздік» мерекесіне дайындалып жатырмыз.Мемлекеттік әнұранды айттық, тақпақтар жаттадық.Бізде «Тәуелсіздік»мерекесіне орай ертеңгілік өтпекші.

Әже: Жарайсың, құлыным! «Тәуелсіздік»күніне арнап қанша ән айтсаңда, артық емес.

Бала:Әже «Тәуелсіздік» деген не?

Әже: -Е-е-е құлыным «Тәуелсіздік» деген бұл үлкен әңгіме. Осы күнге жету үшін қазақ халқы талай қиындықты бастан кешірді.Қайсар,батыр аға-апалардың арқасында егеменді ел болдық.

Жүргізуші: «Шаңырақ» биі орындайтындар:

Ән: Құлыншақ тобы

Жүргізуші : Ойын: «Бәйге» Ойынды шартына қарай ойнайды.

Би: «Алға Қазақстан» ұлдардың орындауында

Жүргізуші: Отаным Қазақстан –алтын бесік,

Мінекей ұлы жолға түсті келіп.

Ағайын, бар тілерім мен еліме.

Тұғырың мықты болсын Тәуелсіздік!

Осымен « Тәуелсіздік тұғырым» атты мерекелік ертеңгілігімізді аяқтаймыз.

Мереке құтты болсын, көріскенше сау болыңдар!

Қош келдің Алтын күз

admin — Tue, 29 Oct 2024 08:36:28 +0600

Қош келдің Алтын күз

Жүргізуші: Армысыздар,халайық,

Бармысыздар ,халайық!

Күзгі тойды жұп жазбай,

Бірге қарсы алайық!

Сәлеметсіздерме, құрметті ата — аналар, қонақтар! Бүгінгі біздің жыл мезгіліндегі ең тамаша « Қош келдің Алтын күз!» атты концерттік бағдарламаға қош келдіңіздер! Ортаға «Балдырған» тобының бүлдіршіндерін қарсы алыңыздар!

(Әдемі сазды әуен ойналып тұрады. Жапырақтар биін билеп балалар келеді)

1: Ән: «Күз тамаша»» әнін қабыл алыңыздар!

2:Ортада Балдырған тобының күз мерекесіне арналған тақпақтарын қабыл алыңыздар!

Айзере:Келді міне күз Диас:Берекесін сыйлауға

Айнала сары түс Өлкемізге күз келді

Керемет тамаша Жемістерін жинауға

Қандай әсем күз. Шақырады біздерді

Адиль:Сап-сары ғып даланы

Бояпты ғой күз деген

Құстар қанат қағады

Қоштасқандай бізбенен

4: Би:Келесі кезекте Балдырған тобының сүйкімді де тәтті қыздарының биіне кезек берейік

Тиындар биі

Тақпақтар:

Алиасқар:Алақай!Алақай!

Шаттанды балақай!

Күз түсті,дән пісті.

Айтамыз алғысты.

Медина: Көрініп еліме

Күндері мереке

Келді ғой жеріме

Күз дейтін мереке.

Сафинур: Жапырақ ұшты,

Суық та түсті

Сонда да бізге

Қызық көп күзде

5:»Күз келгенде»Әнін қабыл алыңыздар!

6:Би:Ендеше Балдырған тобының ұлдарының «Саңырауқұлақ»биін тамашалайық қарсы алыңыздар